TAGUS

I.
TAGUS
fluvius Hispaniae celeberrimus, vulgo Taio. Oritur ex monte Orospeda in Celtiberis geminô fonte, ac per Toletum, Liboram, Norbam Caesaream, Scalabim et Ulyssipponem longô decurrens tractu, in Oceanum occiduum sese (latus in ore 2. leuc.) exonerat. Baudrando oritur in Castella nova, in ipso limite Aragoniae, 4. leuc. a Lobeto in Occidentem prope fontes Sucronis et Turiae; dein per Castellam novam fluens, auctus aliquot minorib. iuxta Toletum et Talaveram labitur. Hinc rigatis Norbâ Caes. et aliquot oppidis Estremadurae, per Portugalliam fluit, ubi receptis aliquot fluviis aestuarium amplum efficit, et 2. leucis infra Olissyponem Oceano miscetur; aurum gignens, Mela, l. 3. c. 1. Ulyssippo et Tagi ostium, amnis aurum gemmasque ferentis. Plin. l. 4. c. 22. Tagus auriferis arenis celebratur. Et ex eo Solinus, c. 26. Tagum ob arenas auriferas ceteris omnibus praetulerunt. Audiamus Petas, Ovid. Met. l. 2. v. 251.
Quodque suo Tagus amne vehit, fluit ignibus aurum.
Idem, Amor. l. 1. El. 15. v. 33.
Cedant carminibus reges, regumque triumphi;
Cedat et auriferi ripa beata Tagi.
Martialis, l. 10. Epigr. 96. v. 3.
Auriferumque Tagum sitiam, patriumque Salonem.
Idem, eôdem librô; Epigr. 16. v. 4.
Aurea quicquid habet divitis unda Tagi.
Idem, l. 1. Epigr. 50. v. 15.
Aestus serenos aureô franges Tagô.
Seneca Tragoedus, Hercul. Fur. Actu 5. v. 123.
Tagusque Iberâ turbidus gazâ fluens.
Quod autem turbidus dixit, idem est quod Martialis, l. 8. Epigr. 78. v. 5.
Non illi satis est turbatô sordidus aurô
Hermus, et Hesperiô qui sonat orbe Tagus.
Et ante eum Virgilius, l. 1. Georg. v. 137.
——— Atque auro turbidus Hermus.
Iuvenal. Satyr. 3. v. 55.
——— Tanti tibi non sit opaci
Omnis arena Tagi, quodque in mare volvitur aurum.
Idem, Satyr. 10. v. 298.
Sed, cuius votis modo non suffecerat aurum,
Quod Tagus et rutilâ volvit pactolus arenâ.
Silius, l. 1. v. 234.
Hic certant, Pactole, tibi Duriusque Tagusque,
Quique super gRavios lucentes volvit arenas,
Infernae populis referens oblivia Lethes.
Et ante omnes Catullus, Epigr. 30. v. 20.
——— Amnis aurifer Tagus.
Nomen eius, quod attinet, Phoenicie dictus est Dag, (si Bocharto, l. 1. Chanaan, c. 35. credas) vel Dagi, i. e. piscosus. Et laus a
Trogo tribuitur in genere Hispaniae amnibus, qui sunt, ut ait, lenes, et vineis, campisque irrigui, aestuariisque Oceani affatim piscosi. At alli solum Tagum a piscium uberrate commendant, Strabo, l. 3. Πολύϊχθυς δὲ ὁ ποταμὸς ῾Τάγος᾿ καὶ ὀςρέων πλήρης. Martial. l. 1. Epigr. 78. v. 12.
Piscosi calamo Tagi notata.
Claudianus:
Non Tartessiacis illum satiarit arenis
Tempestas pretiosa Tagi.
Nic. Lloydius.
II.
TAGUS
mons Lusitaniae, apud quem equae dicuntur e vento concipere. Vide Tagrus.
III.
TAGUS
viri cuiusdam nobilis nomen. Sil. Ital. l. 1. v. 163.
——— Volitabat ovans, aciesque per ambas
Iam Tagus auratis agnoscebatur in armis.
Alius fuit eiusdem nominis apud Lucan. l. 3. v. 585.
——— Cuius dum pugnat ab altâ
Puppe Tagus, Graiumque audax aplustre retentat,
Terga simul pariter missis et pectora telis
Transigitur, —— ——

Hofmann J. Lexicon universale. 1698.

Look at other dictionaries:

  • Tagus — (a. Geogr.), Fluß in Spanien, entsprang im Lande der Celtiberi, war reich an Austern u. Fischen u. führte Goldsand, war bei seiner Mündung bei 20 Stadien breit u. für die größten Schiffe befahrbar; j. Tajo. Am T. besiegte Hannibal 249 v. Chr. die …   Pierer's Universal-Lexikon

  • Tagus — Tagus, antiker Name des Tajo (s. d.) …   Meyers Großes Konversations-Lexikon

  • Tagus — Tagus, lat. Name des Flusses Tajo (s.d.) …   Kleines Konversations-Lexikon

  • Tagus — [tā′gəs] river flowing west across central Spain & Portugal into the Atlantic through a broad estuary: c. 600 mi (966 km): Sp. name TAJO; Port. name TEJO …   English World dictionary

  • Tagus — Geobox|River name = Tagus native name = other name = Tajo other name1 = Tejo image size = image caption = View over the Tagus River from Almourol Castle in Portugal country = Spain country1 = Portugal state = state1 = region = region1 = district …   Wikipedia

  • Tagus — noun a European river; flows into the North Atlantic • Syn: ↑Tagus River • Instance Hypernyms: ↑river • Part Holonyms: ↑Spain, ↑Kingdom of Spain, ↑Espana, ↑Portugal, ↑ …   Useful english dictionary

  • Tagus — or Spanish Tajo or Portuguese Tejo geographical name river 626 miles (1007 kilometers) Spain & Portugal flowing W into the Atlantic …   New Collegiate Dictionary

  • Tagus — Vorlage:Infobox Fluss/DGWK fehltVorlage:Infobox Fluss/ABFLUSS fehltVorlage:Infobox Fluss/KARTE fehlt Tajo Der Tajo durch Toledo, Spanien Daten …   Deutsch Wikipedia

  • Tagus — /tay geuhs/, n. a river in SW Europe, flowing W through central Spain and Portugal to the Atlantic at Lisbon. 566 mi. (910 km) long. Spanish, Tajo. Portuguese, Tejo. * * * …   Universalium

  • Tagus — noun A river in Iberia …   Wiktionary

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.